Is-Sena 2008

L-ewwel ħaġa li nixtieq ngħid hija li nawgura s-Sena t-Tajba lill-kulħadd. Is-sena 2008 għandha tkun sena importanti u sabiħa għal diversi raġunijiet. Matul din is-sena se jkun hemm diversi affarijiet li se jiġru fejn kulħadd qed jistennihom.Kemm mill-kamp politiku kif ukoll mill-kamp sportiv.

L-ewwel ħaġa li diġa ġrat f'Malta u f'Ċipru hija l-introduzzjoni tal-munita Ewropa minflok il-minuta tal-pajjiż. Nistgħu ngħidu li l-preparazzjoni għal Malta biex tiġi introdotta f'pajjiżna ilhom għaddejjin ġmielu speċjalment f'dawn l-aħħar sentejn mill-kampanji ta' informazzjoni mill-NECC. Iċ-ċelebrazzjonijiet li saru fil-Valletta Waterfront għad-dħul ta' l-Ewro, anki jekk kienu mtappna mit-temp ħażin speċjalment bix-xita, kienu ta' suċċess. L-istennija kienet li mad-daqqa ta' nofs il-lejl il-Prim Ministru ta' Malta jiġbed l-ewwel Ewro mill-ATM anki jekk kien hemm problema teknika fl-aħħar mill-aħħar dawn il-flus inġibdu. Malta għandha tħossha furtunata li issa ssieħbet ma' l-iktar munita b'saħħitha bħalissa fid-dinja.

Matul din is-sena se seħħ l-elezzjoni ġenerali f'Malta. Bħalissa kulħadd qed jispekula meta din se ssir pero id-deċiżjoni finali hija dik tal-Prim Ministru. Iż-żmien sa meta tista' ssir l-elezzjoni huwa sa Awissu. Għalhekk li rridu nagħmlu huwa li nistennew lill-Prim Ministru jsejjaħ l-elezzjoni meta jgħoġbu.

Elezzjoni oħra li se ssir hija dik Amerikana għall-Presidenza. It-taqtiegħa għal din l-elezzjoni hija waħda kbira bejn ir-Repubblikani u d-Demokratiċi. Id-data ta' din l-elezzjoni hija l-4 ta' Novembru u l-għażla taż-żewġ kandidati għadu għaddej.

Mill-kamp sportiv hemm żewġ avvenimenti kbar li huma t-Tazza Ewropea u l-Olimpijadi. It-Tazza Ewropea se ssir fl-Iżvizzera u fl-Awstrija bejn is-7 u d-29 ta' Ġunju. Fiha se jieħdu sehem is-16-il tim li għadda mir-rawnd ta' kwalifikazzjoni li sar bejn l-2006 u l-2007. It-timijiet huma: Awstrija, Żvizzera, Portugal, Italja, Franza, Greċja, Turkija, Repubblika Ċeka, Ġermanja, Kroazja, Russja, Spanja, Żvezja, Romanija u Olanda. Fost dawn it-timijiet ma nsibux it-tim ta' l-Ingilterra li ma rnexxilux jikkwalifika.

L-Olimpijadi tas-Sajf li se jsir f'Beijing bejn it-8 u l-24 ta' Awissu. Matul dawn l-Olimpajdi wieħed se jkollu l-opportunita li jara 28 sport differenti bi 38 dixxiplina u madwar 10,500 alteta. It-tema ta' dawn l-Olimpjadi se tkun 'Dinja Waħda, Ħolma Waħda'.

Gran Prix ta' Malta 27 u 28 ta' Ottubru

Is-Sibt 27 ta' Ottubru
10am: Kwalifikazzjoni
2pm:Kwalifikazzjoni
Il-Ħadd 28 ta' Ottubru
10am: Kwalifikazzjoni
2pm: It-tiġrija

Għal aktar informazzjoni żur is-sit: www.grand-prix-de-malte.com

Il-Ħidma Intenazzjonali tal-KNŻ

It-12 ta’ Awissu kien il-Jum Internazzjonali taż-Żgħażagħ fejn din is-sena it-tema maħruġa min-Nazzjonijiet Uniti kienet ‘Uri ruħek, Semma’ leħnek: Il-Parteċipazzjoni żgħażugħa għall-Iżvilupp’.

Fil-messaġġ tiegħu is-Sur Koïchiro Matsuura, Direttur Ġenerali tal-UNESCO għal din l-okkażjoni qal li hija ta’ importanza kritika l-parteċipazzjoni żgħażugħa, kemm fil-qasam soċjali, ekonomiku u politiku, għall-progress u l-iżvilupp sostennibli tas-soċjetà. Hu qal li żgħażagħ huma sħab importanti tal-preżent u li għandhom perspettiva unika, fejn jagħtu kontribuzzjoni intellettwali ta’ valur u għandhom abilità li jkunu attivi f’kull livell. Dan narawh permezz tal-bosta inizjattivi madwar id-dinja fejn żgħażagħ żviluppaw u implementaw soluzzjonijiet biex isolvu problemi f’pajjiżhom. Hu sostna li żgħażagħ għandhom jintgħataw l-informazzjoni u t-taħriġ ħalli jkunu jistgħu jagħmlu d-differenza. Iħeġġeġ ukoll liż-żgħażagħ biex isemmgħu leħinhom u juru l-kreattività tagħħhom ħalli tinoħoloq dinja ta’ inklużjoni.

Ħidma Internazzjonali tal-KNŻ

L-ewwel ħidma internazzjonali ta’ l-eżekuttiv preżenti tal-KNŻ kienet bejn il-24 u l-25 ta’ Marzu fejn seba’ żgħażagħ irrappreżentaw lill-KNŻ fis-Summit taż-Żgħażagħ organiżżat fil-50 anniversarju ta’ l-Unjoni Ewropea. Minn dan is-summit ħareġ dokument miż-żgħażagħ kollha ta’ l-Unjoni Ewropea li ġie ppreżentat lill-mexxejja tal-pajjiż.

Wara dan il-President tal-KNŻ, Alessia Zammit irrappreżenta lill-KNŻ bejn it-13 u s-16 ta’ April fl-attività organizzata mill-Presidenza Ġermaniża fil-Ġermanja fejn ġew diskussi l-opportunitajiet indaqs u l-parteċipazzjoni soċjali għat-tfal u ż-żgħażagħ kollha.

Bejn is-27 u t-29 ta’ April is-Segretarju Ġenerali, Ducan Bartolo, flimkien ma’ Jonathan Dalli kienu preżenti fl-elezzjonijiet tal-European Youth Forum (EYF) li saru fl-Ażerbaijan. Matul dawn l-elezzjonijiet ġie elett Jonathan Dalli bl-ikbar numru ta’ voti minn fost tlettax-il kandidat.

Mill-21 sat-23 l-Uffiċjal għall-Attivitajiet Nazzjonali, Mario Borg, kien preżenti meta ż-żgħażagħ Ewropej ppreżentaw t-Tabacco Manifesto lil Jules Maaten u lill-Kumissarju tas-Saħħa Markos Kyprianou fi Strasburgu.

Malcolm Azzopardi kien preżenti għall-ewwel edizzjoni tal-Parlament taż-Żgħażagħ Ewro-Mediterranji li saret f’Berlin bejn is-26 ta’ Mejju u t-3 ta’ Ġunju. Matul dan il-Parlament ġew diskussi diversi issues fir-reġjun Ewro-Mediterranju fosthom l-imigrazzjoni, il-kultura u l-globalizzazzjoni. Minn dan il-Parlament ħareġ wkoll dokument li ġie ppreżentat lill-mexxejja tal-pajjiż.

F’Ġunju l-Ko-ordinatur tal-Politika Nazzjonali, Dylan Seychell flimkien ma’ Jonathan Dalli attenda konferenza dwar il-Politika taż-Żgħażagħ fi Brussel.

Ħidma Nazzjonali tal-KNŻ

Bħalissa għaddejin diversi proġetti tal-KNŻ fejn uħud minnhom qegħdin fil-maturazzjoni tagħhom bħall-Parlament taż-Żgħażagħ u oħrajn qegħdin fil-fażi inizjali tagħhom bħall-Kunsill Lokali taż-Żgħażagħ u l-Proġett Pilota. Bħalissa beda wkoll il-proċess tal-proġett li l-KNŻ għandu ma’ l- European Institute of Education (EIE) fejn se jkun hemm żewġ żgħażagħ, li huma Lorna Buttigieg u Ray Bartolo, li se jorganizzaw attività sportiva f’isem il-KNŻ.

Carl Farrugia

Assistent Segretarju Ġenerali KNŻ

Dan l-artiklu deher fuq In-Nazzjon ta' nhar l-Erbgħa 22 ta' Awissu