L-Għażla tal-wiċċ tal-Minuti Ewro

Il-Kumitat Nazzjonali għall-Bidla fl-Ewro (NECC) nieda l-aħħar proċess għall-għażla tal-muniti Maltin ta' l-ewro li għandha tiddaħħal skond it-Trattat tas-Sħubija. Il-pubbliku mil-lum sad-9 ta' Ġunju li ġej hu mistieden jagħżel tlieta minn erba' disinji li saru mid-disinjatur Noel Galea Bason.

L-erba' disinji huma bbażati fuq it-temi li ntagħżlu mill-pubbliku stess f'Jannar li għadda. Tlieta mid-disinji huma l-Istatwa tal-Magħmudija ta' Kristu, l-Arma ta' Malta u l-Altar tat-Tempju ta' l-Imnajdra. Ma' dawn żdied is-Salib ta' Malta, li rċieva l-akbar għadd ta' voti mill-pubbliku.

Minn dawn l-erba' disinji se jintagħżlu dawk it-tlieta li jiksbu l-akbar ammont ta' voti mill-pubbliku permezz ta' l-SMS. Sad-9 ta' Ġunju jistgħu jintbagħtu sa tliet SMSs minn kull linja ta' telefon ċellulari lejn in-numru abbinat ma' kull disinn. SMS wieħed biss ikun kunsidrat bħala validu għal kull disinn.

Id-disinji għall-għażla huma dawn:


L-Arma ta' Malta


Il-Magħmudija ta' Kristu


L-Imnajdra


Is-Salib ta' Malta